"Apokalipsiaren bobedan" egongo dira Angel Abadek software libreko programetan egindako zenbait ekarpen

Angel Abad telelanean dago une honetan. / Aiaraldea.eus

GitHub biltegi digitalak Artikoan utziko du gordetzen dituen programen kopia, 1.000 urtez matentzeko. Ekimenaren helburua da hondamendia gertatuz gero, lan hori guztia berreskuratzeko modua izatea. Angel Abad laudioarraren zenbait ekarpen egongo dira biltegi horretan. 

Svalbardeko uharte norvegiarrean kokatuta dago "Apokalipsiaren bobeda". Ikatz meategi zahar batean, 250 metro barrena lur azpian -permafrostaren azpian hain zuzen- gordetzen dira etorkizunean, ustez, funtsezkoak izango diren hainbat elementu. Besteak beste, hazi bankua dago han, munduko landaredia berpizteko nahikoa, milioi bat ale baino gehiagorekin.

Gune desmilitarizatu horretan, dena den, "altxor" gehiago gordeko dituzte, GitHuben ondarea, besteak beste. Biltegi digitalaren 21 Tb informazio izango dituzte hor, modu analogikoan. Zehazki, filmetan inprimatu dituzte hainbat software programen kodea eta gida gehitu dute, horiek irakurri ahal izateko etorkizunean. Urtero eguneratuko dute material hori.

GitHub ez ezik, Oxford Universityk edo Internet Archivek ere parte hartu dute egitasmoan.

Laudioar baten aztarnak

Angel Abadek egindako hainbat programa lerro ere egongo dira Svalbarden. Laudioarrak ekarpenak egin ditu AWS Terraform Provider-en garapenean Git baliatuta eta 2 modulu argitaratu ditu jadanik.

Izan ere, kode irekiko software sortzaileei aldaketa guztiak kontrolatzen laguntzen die Gitek. Modu horretan, hainbat garatzailek aldi berean lan egin dezakete, norberak zer egin duen jakinda. Hainbat kopia mantentzea ahalbidetzen du Gitek, bertsio bakarra gainidatzita egon ordez.

Abadek adierazi du pozik dagoela ekimenarekin, eta aipatu du aspaldi plazaratutako Marvel Match ere egongo dela eskuragarri.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide