Eskualdeko zein eskualdetik kanpoko enpresa batzordeak elkartu dira gaur Tubacexeko langileekin elkartasunean eta Aiaraldeko enpleguaren defentsan egindako mobilizazioan. Herriko plazatik abiatu eta Tubacexera jo zuten ehunka lagunek. Bertan harrera beroa egin diete 40 egun greban bete dituzten beharginek. Ondoren, plazara itzuli dira berriz, herri osoa zeharkatu ostean.
Klase batasunaren aldeko mezuak zabaldu dituzte antolatzaileek ekitaldiaren amaieran, eta Eusko Jaurlaritzak azken asteetan izandako jarrera kritikatu dute, besteak beste.
Hurrengoak dira manifestazioko idazkia babestu duten enpresa batzordeak:
- Autoglas OPCO Laudio
- Guardian LLodio
- Amurrio ferrocarril y equipos
- Envases
- Imegar
- Amurrioko Udaleko batzordea
- Supermercados Berriak
- Maderas de Llodio
- Montajes mecánicos Jauregui
- Inauxa
- Deguisa
- Jez
- Vidrala - Aiala vidrio
- Tubos reunidos
- Junta de personal Ayuntamiento Llodio
- ITP - PCB
- Laudio Ikastola
Ertzaintzak langileen aurka egin du arratsaldean
Arratsaldean, Amurrioko piketean, Ertzaintza langileen aurka oldartu da eta behargin bat lurrera bota du. Sortu Aiaraldeak gertatutakoa grabatu eta sare sozialen bidez salatu du. Bideoan bultzaka agertzen den polizia agente berak Aiaraldea Hedabideko kamara kolpatu izan du aurretik, eta kazetariak eta piketeak grabatzen zeuden herritarrak behin baino gehiagotan mehatxatu ditu.