Pelikula onenaren 'Jules Verne' saria eskuratu du Armugan filmak Nanteseko Festival du Cinèma Espagnol jaialdian.
Iñigo Martinez da pelikulako protagonista, eta oso pozik azaldu da jasotako aitortzarekin. “Jaialdian egote hutsa saria izan da jada”, nabarmendu du aktore laudioarrak, “Goya sarietan egon diren pelikulekin lehiatzea nahikoa lorpen izan da guretzat. Baina pelikula onenaren aitortza lortzeak ilusio eta poztasun handia sortu digu, Las niñas bezalako filma bikainen aurretik geratu garelako”.
Jaialdia online egin da, koronabirusa dela eta. “Pena izan da joan ezin izatea, baina bizi ditugun garai hauetan ohorea da bertan parte hartzea”, azaldu du aktoreak.
Aretoetan, maiatza aldera
Hurrengo pausoa zein den ere zehaztu du Martinezek: filma zinema aretoetan estreinatzea. “Maiatzean estreinatuko da seguru asko, Bartzelonan hasita. Ea sari hauek filmari zinema aretoetara iristeko bultzada nahikoa ematen dioten, orain oso estreinaldi gutxi egiten direlako, COVID-19a dela eta”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
