Dozenaka zerbitzu geratu dira bertan behera martxotik hona.
Azken aste eta egunetan ohikoa bilakatu da Renfek tren zerbitzuetan azken orduko murrizketak egitea. Atzo lau tren kendu zituzten Urduña eta Bilbo artean eta gaur arratsaldean, ohikoan baino sei gutxiago eskainiko dituzte.
Hauek dira bertan behera geratu diren bidaiak:
26576: 14:25ean Bilbo-Laudio
26581: 14:59ean Laudio-Bilbo
26610: 18:35ean Bilbo-Laudio
26615: 19:09ean Laudio-Bilbo
26622: 19:35ean Bilbo-Laudio
26627: 20:09ean Laudio-Bilbo
Murrizketek ez dute etenik tren zerbitzuan. Martxoan 30 zerbitzu baino gehiago utzi zituzten bertan behera. Renfe eta ADIF enpresetako ordezkariek behin baino gehiagotan salatu dute murrizketen atzean dagoena zerbitzua pribatizatzeko saiakera dela. CGT sindikatuaren arabera, enpresak nahita ari dira modu horretan jokatzen.
Murrizketez gain, matxurak ere ugaritu dira azken urteetan. Iragan astean, adibidez, sua piztu zen tren batean, frenoetako matxura baten ondorioz:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
