Gaur ireki ditu ateak Faktoriak ofizialki. Ehundik gora lagun bertaratu dira Laudioko Industriagunean kokatutako pabilioira. Kantina, oholtza, umeentzako jolasgunea, ekonomatua... espazio guztiak gertutik ezagutzeko aukera izan dute bertaratutakoek, eta Ruper Ordorikaren kontzertuaz gozatu ahal izan dute jarraian.
Musikari oñatiarrak kontzertu bikoitza eskaini du Faktorian. Eguerdian eskaini du lehen emanaldia, eta arratsaldeko seietan bigarrena. Bere abesti mitikoenak taularatu ditu, bere kitarraren laguntza soilarekin.
Bihar, irekiera feminista
Bihar ere zabalik egongo dira Faktoriako ateak, Irekiera feminista egongo baita. Jaialdi ez-mistoa izango da, eta Kai Nakai arduratuko da erritmoa jartzeaz.
Argazkiak: Aitor Aspuru Saez eta Txabi Alvarado Bañares
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.