Xabier Leteren poesia taularatuko dute Ainhoa Urien Telletxe eta Nerea Iglesias Lilik Faktorian, bihar

Ainhoa Urien Telletxe eta Nerea Iglesias Lili igoko dira oholtzara.

Emanaldia doan izango da, baina beharrezkoa izango da aurretik izena ematea, hemen. 

Poesia, zaurien ukendu. Xabier Leteren arrastoan ikuskizuna eskainiko dute Ainhoa Urien Telletxe eta Nerea Iglesias Lilik bihar -maiatzak 21- Faktorian, 18:30ean. 

Urienen izen bereko liburuan dago oinarrituta ikuskizuna. Leteren poesia buruzko saiakera plazaratu zuen Abadiñoko idazleak iaz, Pamiela argitaletxearekin. Ikuspegi akademiko hutsetik aldentzen den lana da, Leteren poesiek egilearengan izan duten eragina aztertzen duelako. 

“Bere poesia liluratuta irakurtzen nuen hasieran, ezer asko ulertu barik. Gerora, hitzei zentzua bilatzen hasi nintzen, Leteren bizitzaren eta poesiaren arteko loturak egiten, nire sentimendu asko bere poesiaren bidez interpretatzen”, azaldu du Urienek berak liburuaren sinopsian, “hauxe da barruak eskatzen zidanaren emaitza: Xabier Leteren poemek nigan sortutako emozio, pentsamendu eta bizipenei emandako erantzuna”.

Literatura eta musika uztartuko ditu emanaldiak. Nerea Iglesias Lili antzezle eta musikari laudioarra arduratuko da Urienen hitzei musika jartzeaz, pianoarekin. 

Sarrera doakoa izango da, baina beharrezkoa izango da aurretik izena ematea. Hemen bete daiteke inskripzioa.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide