Komunitate euskaldun eta feminista bat eraikitzeko urratsak izango dituzte hizpide bihar Faktorian

Txabi Alvarado Bañares 2021eko ekainaren 16a
Deskargatu Info Ahotsak :

'Trikua esnatu da' liburua aurkeztuko dute bihar Faktorian. / Goierriko Hitza

19:00etan hasiko da hitzaldia. Aiaraldea Komunikabideak zuzenean emitituko du Aiaraldea.eus atarian. 

Nola eraiki daiteke komunitate euskaldun eta feminista bat? Galdera horri erantzuteko asmoz hitzaldia eskainiko dute bihar (ekainak 17) Lorea Agirre eta Idurre Eskizabelek Faktorian, 19:00etatik aurrera, Bor-bor Feminismo Faktoriaren eskutik. 

Urteak daramatzate Lorea Agirre eta Idurre Eskisabelek euskararen eta feminismoaren arteko loturez hausnartzen. Hainbat hitzaldi eskaini dituzte Euskal Herrian barrena. 2017an, adibidez, Laudioko Gaztetxeko Jardunaldi Antikapitalistetan aritu ziren. 

Iaz, aldiz, urrats bat gehiago eman zuten, urteetan zehar mamitutako ondoriozk plazaratu baitzituzten Trikua esnatu da liburuan. Lisipe argitaletxearekin plazaratu zuten lana, eta hori da Faktorian bihar aurkeztuko dutena. 

Zuzenean ikusgai

Aiaraldea Komunikabideak zuzenean eskainiko du biharko hitzaldi osoa, Aiaraldea.eus atarian. 

Euskara Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide