Estibaliz Gorostiaga Uriartek Jose Mari Gutierrez ordezkatuko du Laudioko EH Bilduren udal taldean

Jose Mari Gutierrez -ezkerretik hasita bigarrena- EH Bilduko gainontzeko zinegotziekin, aurtengo Aberri Egunean. / EH Bildu

Gutierrezek gaur egin dio uko bere karguari eta irailaren 27an utziko dio ofizialki zinegotzia izateari.

Esti Gorostiaga Uriartek Jose Mari Gutiérrez Angulo ordezkatuko du EH Bilduren udal taldean. Hala jakinarazi du talde politikoak gaur goizean bidalitako ohar baten bidez. Gutierrezek gaur egin dio uko bere karguari eta irailaren 27an egingo den Udal Osoko Bilkuran utziko dio ofizilaki zinegotzia izateari. 

Zinegotzi berriari buruz, aldiz, honakoa adierazi dute: "Aretan jaio zen 1968an eta famili medikua da, osasun publikoan, Osakidetzan hain zuzen ere, aritzen dena. Euskal presoen osasun eskubideen defentsan aritzen diren hainbat elkarteetako (Jaiki Hadi, Osabideak) kidea ere bada". 

Horrez gain, Pablo Gorostiaga alkate ohiaren alaba ere bada, eta  Laudioko Kofradiaren historian abuztuko azken igandeko bazkarian egon zen lehen emakumea ere izan zen, bere aitaren ordezko gisa joanda.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide