“Basoa” espazioa aurkeztuko du Kirikiñok ostiralean

Txabi Alvarado Bañares 2021ko urr. 18a, 09:10
Deskargatu Info Ahotsak :

Haurrentzako espazioa atondu dute zuhaiztian. / Kirikiño

Ekimenean parte hartzeko beharrezkoa izango da aurretik izena ematea, hemen.

Pandemiaren aurretik ekin zion Kirikiñok Ellakuriko udal ortuetan espazio propioa garatzeari. Baratza, lorategia eta jolasgunea atondu dituzte bertan, eta hamaika auzolan eta ekimen ere antolatu dituzte. 

Baina azken hilabeteetan pauso bat gehiago eman dute aisialdi taldeko kideek. Udal ortuen eta Gregorio Marañon Institutuaren artean dagoen zuhaiztia atondu dute. Belarrak moztu, zuhaitzak zaindu eta haurrentzako kolunpioa jarri dute, besteak beste. 

“Basoa” izena jarri diote txokoari. Hori delako, hain zuzen, espazio hori: baso txiki bat, jolasera bideratutakoa eta herri osora zabalik egoteko bokazioa duena. 

Arratsalde osoko egitaraua

Gune berri hori gertutik ezagutzeko aukera izango du interesa duen orok ostiral honetan, urriak 22, 17:30etik aurrera. 

Arratsalde osoko egitaraua prestatu dute Kirikiñoko kideek. Bisita gidatua, Ane Gebara ipuin kontalaria, askaria, Kalaka egurrezko jokoak eta iluntze musikatua egingo dituzte, beste hainbat sorpresarekin batera. 

Izen ematea

Ekimen irekia izango den arren, aurretik izena emateko deia luzatu dute. Hemen bete daiteke inskripzioa. 

Hezkuntza Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide