Sormena, hezkuntza eta euskal kulturaren transmisioa hizpide Faktorian
Izar Mendiguren Cosgaya
2021ko aza. 6a, 15:25
Hiru mahaingurutan euskal kulturgintzaren transmisiorako ekimenak eta espazioak izan dituzte ardatz. Hainbat eragileren artean antolatu dute egitasmoa, eta Euskal Herri osotik etorritako 25 lagunek hartu dute parte jardunaldian.
Euskal Herri osoko hamaika lagun hurbildu dira gaur Faktoriara gaur, "Sormenean hezi, kulturaz bizi" ikastaroaren bigarren jardunaldira. Senperen egin zuten lehenbiziko saioa. Hurrengo hitzorduak Lesakan eta Azpeitian izango dira; azaroaren 13an eta 20an, hurrenez hurren. 9:30ean hasi dira solasaldiak, eta sarean daude ikusgai dagoeneko, jardunaldi osoak zuzenean emititu baitira:
Musika eta literatura izan dira lehenbiziko protagonistak, eta Literaturia ekimena izan dute ardatz horretarako. Ondoren, komikigintzari egin diote tartea, Xabiroi aldizkaria oinarri hartuta.
Mahainguruen txanda heldu da segidan. Batetik, gazteak eta kulturgintzaren transmisioa izan dute helduleku, Oihaneder Euskararen Etxearen eta Topaguneko Gau Beltzari buruzko ekimenaren haritik. Amaitzeko, kulturgintza sozializatzeko plazetaz jardun dira, Gernikako Astra eta Azpeitiko Dinamoa espazioen esperientzietatik abiatuta. Bazkariarekin eman diote amaiera jardunaldiari.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.