Aiaraldeko emakume* sortzaileen azoka antolatu du Aiaraldea Ekintzen Faktoriak azaroaren 20rako

Emakume sortzailez beteko da Faktoria azaroaren 20an. / Aiaraldea.eus

Eskualdeko emakume ekoizleak elkartuko ditu Bor-bor Feminismo Faktoriak azaroaren 20an, egun osoko egitarauarekin.

Aiaraldeko emakume* sortzaileen azoka antolatu du Aiaraldea Ekintzen Faktoriako Feminismo ildoak (Bor-bor elkarteak) hilaren 20rako. Aiaraldeko emakume sortzaileak euskaraz saretzea da ekimenaren helburua. Izan ere, urtean zehar, bailarako hainbat tokitan errepikatu nahi dute ekimena. Ondorengoak dira helburuak:

  • Aiaraldeko zein Euskal Herriko emakume sortzaileak elkar ezagutzea, eta euskaraz saretzea, Faktoria horretarako zubi eta espazio izanez. 
  • Emakume sortzaileen lanak eta ezagutzak aitortu, sozializatu eta partekatzeko espazio zein baliabideak eskaintzea.
  • Elkarren arteko (norbanako zein kolektibo) aliantzak sortzea.
  • Faktoria feminismoan eta euskaran "eragile eta espazio aktibo" izateko dinamikak abiatzea, bailarako emakume* sortzaileekin kasu.

Egun osoko egitaraua

Asanblada irekiak deitu dituzte proiektua elkarlanean sortzeko, eta azaroaren 20ko azoka izango da emaitza. Dena den, ez da merkatu soila izango: 12:00etatik 20:00etara egongo dira bisitari guztientzat ateak zabalik. Gainera, Euskal Herriko Dinagu kolektiboaren aurkezpena ere jasoko du Faktoriak, 12:00etan hain zuzen. Eguerdian emakume ekoizleekin osaturiko janari eskaintza egongo da kantinan, eta eguna borobiltzeko Eneritz Furyaken kontzertuaz gozatzeko aukera egongo da.

Faktoria, emakume ekoizlez lepo

Ondorengoak izango dira azaroaren 20an Faktoriara bertaratzeko aukera izango duten sortzaileak. Alabaina, Bor-bor feminismo elkarteak "Aiaraldeko emakume sortzaileen katalogoa" aurkeztu eta banatuko du ere, , Adi grafiken laguntzarekin. Bertan jasoko dituzte bailarako emakume sortzaileen lanak, kontaktatzeko moduak eta sorkuntza prozesuari buruzko xehetasunak.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide