Ostegunetik larunbatera bitartean egingo da MarxFem Feminismo Marxistaren IV. Nazioarteko Konferentzia. Zoom plataforma bidez jarraitzeko aukera egongo da, baita Facebook baliatuta ere, hitzaldi nagusien kasuan.
Hain zuzen, Elena Beloki aretarrak eta Iratxe Letona laudioarrak lehenengo egunean hartuko dute parte. Euskaraz mintzatuko dira, baina gaztelerara eta ingelesera bikoiztuko dituzte.
Belokiren esku egongo da konferentziaren aurkezpena Uxuri Albizu, Teresa Larruzea, Frigga Haug eta Barbara Steinerrekin batera. Ostegunean 16:30ean izango irekiera ekitaldia.
Jarraian, 17:00etan, Iratxe Letonaren txanda izango "Mugimendu eta Greba Feministak Euskal Herrian" mahai inguruan. Iragan martxoaren 8an Tubacexen egondako pikete feminista izango du hizpide Letonak, besteak beste. Oihana Etxebarrieta izango da moderatzailea eta eztabaidan Lore Lujanbio, Aitziber Aranberri eta Josefina Roco ere arituko dira.
Munduko intelektualak konferentzian
MarxFem topaketak feminismoaren hamaika pentsalari ospetsu bilduko ditu. Ildo anitzak jorratzen dituzte eta esaterako, Silvia Federici italiarrak, Dilar Dirik kurduak, Pastora Filigrana ijitoak, Tithi Bhattacharya indiarrak, Lorena Cabnal nikaraguarrak eta Nancy Fraser estatubatuarrak eztabaidatuko dute, hainbat hitzordutan.
Euskal Herriko hainbat emakumek ere hartuko dute hitza jardunaldietan. Kasu batzuetan sindikatu, alderdi edo talde feministetako kideak izango dira, eta beste batzuetan ikerlariak. Egitarau osoa hemen dago ikusgai.