Faktoria bete zuen Zirkulanduz! taldeak igandean

Erredakzioa 2021eko azaroaren 16a
Deskargatu Info Ahotsak :

Ehun haur eta heldu inguru bertaratu ziren Beldurrik ez ikuskizunaz gozatzera. 

Jendez bete zen Faktoria igande arratsaldean. Ehun lagun inguru bertaratu ziren Zirkulanduz! taldearen Beldurrik ez ikuskizunaz gozatzera. Musika eta zirku-arteak uztartu zituzten emanaldian, ikusle guztien gozamenerako. 

Datorren asteburuan, ekintza gehiago

Datorren asteburua ere bizia izango da Faktorian. Larunbatean Aiaraldeko Emakume Sortzaileen azoka egongo da, 12:00etatik 20:00etara. 21:00etan, aldiz, Eneritz Furyaken kontzertua izango da. 

Igande goizean, aldiz, espazio askea atonduko dute Kokoriko Hezkuntza Faktoriako kideek, 0-3 urte bitarteko haurrentzat. Arratsaldean, aldiz, "Antzerkia eta txokolatea" zikloko bigarren emanaldia egongo da, Tribiz baserri galdue obra, Jon Ander Urrestiren eskutik. 

Faktoria.eus atarian topatu daiteke informazio guztia.

Argazkiak: Aimar Gutierrez Bidarte

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide