Ander Urkiza txapeldun Arabako Tenis Masterrean

Txabi Alvarado Bañares 2021eko azaroaren 18a
Deskargatu Info Ahotsak :

Igandean izan zen norgehiagoka.

Kimuen kategorian gailendu zen Laudio Tenis Klubeko jokalaria. 

Ander Urkizak Arabako Tenis Masterra irabazi zuen iragan igandean, kimuen kategorian. Laudio Tenis Klubeko jokalaria Peña Vitorianako Miguel Perezen aurka jokatu zuen, eta honako puntuazio honekin gailendu zen: 0-4, 5-4 (4) eta 10-6 Super Tie Breaken. Bere senideek adierazi dutenez, emozioz betetako finala eskaini zuten jokalariek. 

Edonola ere, ez da Urkizak lortu duen lehen marka esanguratsua. Iragan uztailean Espainiako Tenis Txapelketan aritu zen laudioarra. Final-zortzirenetan kanporatu zuten Urkiza, baina oso ondo aritu zen, Laudio Tenis Klubeko kideen hitzetan. 

Beste hainbat erronkari helduko die Urkizak urtea amaitu baino lehen. Laudioko Gabonetako Tenis Lehiaketa Sozialean eta Peña Vitorianako Neguko Open-ean egongo da, alegia.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide