Julen Burgosek irabazi du Rockein lehiaketako euskara saria

Aitor Aspuru Saez 2021eko azaroaren 30a

Kontzertuan hartutako irudia. / J. B.

Larunbatean izan zen Rockein musika lehiaketako finala Social Antzokian. Julen Burgosek euskarazko saria jaso zuen.

Larunbatean ospatu zuten Rockein lehiaketako finala Basauriko Social Antzokian. Finalisten artean Julen Burgos laudioarrak parte hartu zuen eta saria eskuratu zuen.

Hain zuzen, euskarako saria egokitu zitzaion eta Burgos oso pozik dagoela adierazi dio Aiaraldea Komunikabideari. Berez, bere lehen emanaldia izan zen bakarlari gisa eta lau abesti jo zituen, 20 minutu, guztira. Sortzaileak azpimarratu du tokia izugarria dela jotzeko eta talde guztiak oso ondo aritu zirela.

"Lau kantak euskaraz izan ziren eta azaldu nuen gazteleraz ere baditudala batzuk, baina horiek aukeratu nituela kontzerturako", argitu du musikariak. Edonola ere, irabazitako sariak ateak irekiko dizkio beste kontzertu bat emateko, Basauriko MAZ jaialdian edo Bizkaiko beste areto batean.

Horrez gain, estudio profesional batean abestia grabatzeko aukera emango dio sariak. Pandemia dela eta, aitorpena ez du jaso fisikoki, baina finalean bertan jakinarazi zituzten irabazleak.

Kultura Laudio

Erlazionatuak

Julen Burgos laudioarrak parte hartuko du Rockein musika lehiaketako finalean larunbatean

Aitor Aspuru Saez 2021 aza 24 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide