Aimar Amondo eta Koldo Reinaldo txapeldunorde, Arabako eskuz banakako txapelketan

Izar Mendiguren Cosgaya 2021eko abenduaren 6a
Deskargatu Info Ahotsak :

Bigarren postuarekin etxeratu dira Aimar Amondo eta Koldo Reinaldo Herriaren taldeko pilotariak, Arabako eskuz banakako txapelketako finaletik. 

Larunbatean izan zen Arabako banakako pilota txapelketako finala. Herriaren taldeko Aimar Amondo eta Koldo Reinaldok eskuratu zuten txapela lortzeko txartela, baina ezin izan zuten euren aurkaria garaitu. 

Koldo Reinaldok David Palacios izan zuen aurrean, eta 18-9 galdu zuen. "Partida gehiena defentsan eman zuen, norgehiagoka gogorra eta luzea izan zen baina azkenean Reinaldok amore eman behar izan zuen", adierazi dute Herriaren taldeko kideek. 

Jaialdiko 3. partida izan zen Aimar Amondo eta Markel Arriolabengoarena. Biak atzelariak izanagatik, norgehiagoka estua izan zen. "Aramaioarrak 22-15 irabazi zion Aimar Amondori, huts gutxigo eta joku sendoagoa erakutsi zuelako", aitortu dute. Horrenbestez, txapeldunorde izatearekin konformatu behar izan dira gazte aiaraldearrak. 

Argazkiak: Asier Amondo (Herriaren)

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide