Basoaren aldeko bertso saioa, bihar Aretako Kultura Etxean

Txabi Alvarado Bañares 2021ko abe. 29a, 18:26
Deskargatu Info Ahotsak :

Udazkenean aurkeztu zuten Basoa espazioa, Ellakurin. / Kirikiño

OHARRA: Azken orduan atzeratu egin dute ekimena. Udaberrian burutuko dute.

Bertso saioa egingo dute Kirikiñoko kideek bihar, abenduak 29, Aretako Kultur Etxean. Asier Rubio, Ricardo Gonzalez eta Iñaki Cabeza arituko dira bertsotan, 18:30etatik aurrera. Entzule moduan bertaratzeko beharrezkoa izango da izena aurretik ematea, hemen edo 688 72 66 65 telefonoan. 

“Basoa” proiektua sozializatzea eta finantzatzea izango da ekimenaren xedea. Udazkenean aurkeztu zuen aisialdi taldeak egitasmo hori. Ellakuriko ortuen eta Gregorio Marañon institutuaren artean dagoen zuhaiztia atondu zuten, haur zein helduentzako espazio moduan erabili ahal izateko:

Ordutik hona ibilbide oparoa izan du ekimenak. “Auzolan jendetsuak egin dira eta gunea forma hartzen hasi da”, azaldu dute Kirikiñoko kideek. Sarea ehuntzeari ere ekin diote, institutuko ikasle eta langileekin zein inguruko bizilagunekin. Harrera ona izan du basoak, nabarmendu dutenez: “Olentzero eta Mari Domingiren bisitan, adibidez, 100 lagun inguru batu ziren”. 

Proiektu gehiago

Urtarrilaren 14an, aldiz, kontzertuak antolatuko dituzte Orbeko Etxean, helburu berarekin: espazioa atontzen jarraitzeko dirua biltzea. Argazki erakusketa ibiltaria ere prestatu dute. Bihar estreinatuko dute, Aretako Kultur Etxean. Orbekora mugituko dute jarraian, eta Institutura eraman nahi dute klaseak berriro hasten direnean. 

Kirikiñoren urteurrena ere ospatu nahi dute, martxoan. “Ez dakigu zehazki zer egingo dugun, baina zerbait egingo dugu”. 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!