Kultur sorkuntza Aiaraldean

Robert Bloch saria irabazi du Iosu Vakerizzoren filmak Estatu Batuetan

Pelikularen irudi bat. / Iosu Vakerizzo

Bizitza XXI. mendean filmari esker Ameriketako Estatu Batuetako zenbait jaialditan parte hartu du Iosu Vakerizzo laudioarrak eta saria eskuratu du jadanik.

Robert Bloch saria jaso du Iosu Vakerizzo laudioarrak Weyauwega hiri estatubatuarrean egiten den 'Psychofest' jaialdian. Zinemagileak Bizitza XXI. mendean metraje ertaineko pelikula aurkeztu zuen eta Psicosis eleberriaren egilea omentzen duen aitorpena lortu du. Izan ere, Bloch hainbat urtez bizi izan zen udalerri horretan.

Estatu Batuetan filmaren ibilbidea luzeagoa da. Izan ere, Mojaven egindako Wasteland Film Festival-eko finalean aritu zen Vakerizzoren lana. Oro har, ekoizpen post-apokaliptikoak jorratzen dituzte han.

Aste honetan, bestalde, Los Angeleseko Film Maudit jaialdian erakutsiko dute bere pelikula. Hain zuzen, egitasmo horretan ez ohiko filmak jorratzen dituzte, tabuak tratatzen dituztenak edo harridura sortzeko gai direnak.

Otsailean, ordea, Pariseko Sans Raison jaialdiaren txanda helduko da, Italiako Omovies-en egon ostean. Urte amaieran Valentziako Indie Film Festivalek ere proiektatuko du pelikula.

Body-horror generoa

Iosu Vakerizzoren metraje ertaineko filmak -42 minutu irauten du- gai bitxiak nahasten ditu, eta esperimentala da. Hala ere, Japoniako eta Txekiako body-horror generoaren eragina dauka eta, besteak beste, sexu langile baten egoera jasotzen du, zeinari tentakulua ateratzen hasten zaion bularrean.

Norvegian grabatuta dago eta hango zein Ingalaterrako antzezleak agertzen dira. Ingelesez ekoiztu dute, baina baditu euskarazko azpititutuluak.

Erlazionatuak

“Osloko publikoa oso ohituta dago sormen abangoardistara”

Laudio

IOSU VAQUERIZOk (Laudio, 1981) hainbat urte daramatza Oslon bizitzen. Zinemagintzan zein musika arloan bere sormen prozesu propioa garatzeko aukera...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide