Ehunka herritar batu dira "SOS baserriak" lemapean Laudion eginiko mobilizazioan, Laudioko Udal Hiltegiaren itxieraren aurka. Izan ere, aste honetan ekin diote azpiegitura husteari.
Aiaraldeko hainbat talde politikoetako kideak batu dira manifestaziora. Kukutzeko kideek pankarta propioa atera dute. Elkarte hori da urtero San Blas feria antolatzen duena. Gaur ospatu behar zen azoka hori, baina bertan behera geratu da. Gauzak hala, mobilizaziora batu dira antolatzaileak, hiltegiaren aldeko aldarriarekin bat eginez.
Iazko udan itxi zuten hiltegia, eta udazkenean jakinarazi zuen Laudioko Udalak ez zuela azpiegitura berriz irekiko. Ordutik hona hainbat mobilizazio egin dituzte eskualde abeltzainek, 'Hiltegia ez itxi' plataforman bilduta.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
