Kontzertu berezia eskainiko du Bi Hotsak abesbatzak datorren martxoaren 26an, Emakumeen Nazioarteko Egunaren testuinguruan. Koru elkarteak bideoa plazaratu berri du, bere jarduna jendarteratu eta balizko emanaldiak lotzeko.
2018. urtean sortu zen taldea Laudion, Beatriz Zurimendi zuzendariaren ekimenez, helburu nagusi batekin: “Koru-kultura Laudioko gizon eta emakumeei eta eskualdeko herriei hurbiltzea”. Gaur egun 37 kide daude abesbatzan. Koru-kantua jorratzen dute, baina gauza bat dute bereziki gogoko: pop-rock kanta ezagunak abesbatza eredura moldatzea.
Ildo horri jarraiki, hainbat ikuskizun eskaini dituzte azken hilabeteetan. Arimen gauean girotutako ikuskizuna egin zuten udazkenean Laudioko Kasinoan, udalak antolatutako ‘Udazken musikatuak’ ekimenaren barruan. Abenduan, aldiz, Amurrio Antzokira mugitu ziren, Gabonetako Kontzertua eskaintzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide