'Bidea da borroka', belaunaldi baten marrazkia bertsotan
Izar Mendiguren Cosgaya
2022ko ots. 11a, 08:18
Bidea da borroka emanaldia eskaini zuten atzo Unai eta Beñat Gaztelumendi anaiek Faktorian.
Bidea da borroka izeneko liburua plazaratu dute añorgarrek Bertsolari Aldizkariarekin batera, eta bigarren edizioarekin dabiltza jada. Argitalpenaz gain, aurkezpen bira egin dute Euskal Herrian barrena.
Bertso bidez gogoeta ugari partekatu zituzten sortzaileek taula gainean. Gainera, Unai Gaztelumendik marrazkiz islatu zituen Beñat Gaztelumendik kantuan plazaratutako zenbait ideia. Horien artean jorratu zituzten, esaterako, gizontasun eredu berriak, bizitzarekiko espektatibak... Horretarako, emanaldian zehar, Euskal Herriko bertsolaritza markatu duten zenbait mugarri baliatu zituzten: Xalbadorri txistu jo ziotenekoa, Txirrita zein Otañoren bertso jarriak egungo garaietara egokituta eta beste.
Unai Gaztelumendik azaldu zizkion Aiaraldea Komunikabideari proiektuaren xehetasunak:
Amaieran, bat-batean inprobisatzen ere aritu ziren bi anaiak. Umoretik jo zuen saioak. Ikuskizuna bukatuta, liburuak sinatuz agurtu zuten Aiaraldea.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.