Otsailaren 13an da Torturaren aurkako Nazioarteko Eguna. Sortuk, ordea, gaur egin du mobilizazioa Laudioko Herriko plazan, 19:00etan, "35 torturatu Laudion. Aitortza. Erreparazioa. Ez errepikatzeko bermeak" lemapean. Tortura testigantza bortitzak izan dituzte hizpide ekitaldian, eskualdean zein Euskal Herrian jazotakoak.
Ia 100 lagunek salatu dituzte torturak Aiaraldean. Paco Etxebarria forentseak gidatutako ikerketaren emaitza da hori, 2017an aurkeztutako azterketa medio. Hain zuzen, 4.113 kasu topatu zituzten Araban, Bizkaian eta Gipuzkoan. Eskualdeari dagokionean, 90 kasu baino gehiago identifikatu zituen Torturaren Aurkako Taldeak.
Egun, ordea, kopurua handiagoa da: 5.657 euskal herritar izan dira pentsaera edo jardun politikoagatik torturatuak. Ekitaldian euskal gatazkaren ondorioak gogorarazteaz gain, aitortza eta erreparazioa eskatu dituzte, "berriro ez gertatzeko bermeekin" batera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide