50 COVID-19 kasu erregistratu ditu Osakidetzak ostegunetik igandera bitartean Aiaraldean, gaur arratsaldean plazaratutako txosten epidemiologikoan zehazten denez. Kopuru horrekin, beheranzko joeran jarraitzen du pandemiak eskualdean.
Haue da kasu positiboen kopurua udalerrika eta egunka banatuta:
- Amurrio: 18 kasu guztira (6 ostegunean, 5 ostiralean eta 7 igandean).
- Artziniega: 3 kasu guztira (2 ostegunean eta 1 igandean).
- Aiara: 4 kasu guztira (2 ostegunean eta bana ostiral eta larunbatean).
- Laudio: 20 kasu guztira (7 ostegunean, 6 ostiralean, 5 larunbatean eta 2 igandean).
- Orozko: 2 kasu guztira, biak ostegunean.
- Urduña: 3 kasu guztira (1 ostiralean eta 2 igandean).
Intzidentzia metatuaren tasek ere behera egin dute ia udalerri guztietan. Arakaldo da salbuespen bakarra:
EAEn ere antzekoa da joera. Azken astean 5.888 kasu erregistratu dira guztira. PCR eta antigeno azterketen emaitza positiboen ehunekoak ere behera egin du erkidegoan, aurreko asteko datuekin alderatuta.
Hala ere, 273 pertsona ospitaleratu dira, horietako 60 ZIUetan, eta 84 herritar zendu dira birusaren ondorioz.