Vidralako greba egunak arrakasta izan du eta istilurik gabe egiten ari dira

Aitor Aspuru Saez 2022ko mar. 11a, 16:33
Deskargatu Info Ahotsak :

Atzoko gaueko txandako piketea. / Aiaraldea.eus

Atzoko gaueko txandan hasi zen protesta eta jadanik goizeko eta arratsaldeko txanden piketeak egon dira. Oso langile gutxi sartu dira lantegian.

Gaur greba eguna deitu dute ELA, LAB eta CCOO sindikatuek Vidrala enpresan, zuzendaritzak langile bat kaleratu ostean. Diziplina arazoak argudiatu ditu enpresak horretarako eta langile batzordeak aurrekari arriskutsua izan daitekeela uste du. Ondorioz, jarrera aldaketa eskatu diote zuzendaritzari.

Lanuztea, berez, atzoko gaueko txandan abiatu zuten eta jarraipena erabatekoa izan zen. Goizeko eta arratsaldeko txandetan jende gehienak uko egin dio lanpostura joateari eta dozena erdi langile finko baino ez dira sartu Vidralan.

Piketeetan ibilitako grebalari batek adierazi dio Aiaraldea Komunikabideari Ertzaintzaren bi patruila egon direla lantegiaren sarreran, baina istilu edo arazorik gabe egin duela aurrera egunak.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide