Greziara joango dira asteartean Laudio Institutuko 10 ikasle, Eramus+ programari esker

Greziara joango den ikasle taldea. / Aiaraldea.eus

Trikala herrira joko dute ikasleek, hori baita Greziako lehen 'Smart City'-a. Ikasle greziarrekin ez ezik, italiarrekin eta lituaniarrekin batuko dira.

Laudio Institutuak ikasturte honetan garatu duen Erasmus+ programa berriaren lehenengo bidaia egingo du asteartean. Zehazki, Greziako Trikala herrira joko dute 10 ikaslek. Bertan elkartuko dira beste hiru ikastetxeko kideekin: Lituaniako Šilutės Martyno Jankaus pagrindinė mokyklakoak, Greziako Trikala herriko  7th High School of Trikalakoak eta Italiako Mantova herriko ICS di San Giorgio di Mantovakoak.

'Click on sustainability' lelopean, lau ikastetxeek jasangarritasunari lotutako proiektuak prestatu dituzte eta egonaldietan partekatu dituzte euren jakintzak, birziklapen egokia egiteko, baliabide naturalak hobeto ustiatzeko edota karbono aztarna murrizteko. Hain zuzen, Laudioko ikastetxeak ortu eta lorategia sortu du hezkuntza zentroan.

Horrez gain, Trikalako inguruak ezagutzeko aukera izango dute. "Leku berezi eta bitxiak bisitatuko ditugu, adibidez: Pertouli, Plastiras lakua eta lorategia, hainbat museo, Trikala hiria eta han birziklatzeko duten tokia eta, bukatzeko, hain berezia den Meteora Aitzak eta goikaldean eraikita dauden monastegiak", azaldu dute egonaldian egongo diren irakasleek.

60 ikaslek parte hartu dutenez egitasmoan, zozketa bidez hautatu dute zeintzuk egingo duten bidaia.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide