Ukrainarako laguntza humanitarioari buruzko hitzaldia eskainiko dute Laudioko Udaleko bi langile ohiek, Galdakaoko Boluntarioen Gizarte Elkartearekin batera.
Martxoan bidaiatu zuten Alberto Etxebarri eta Javi Barbarak Poloniara, Ukrainako mugara. Laudioko Mimitos dendan eta Latiorro Ikastetxean bildutako produktuak eraman zituzten furgoneta batean, 1.500 kilo guztira, bertan dauden errefuxiatuei emateko asmoz.
Esperientzia gogor bezain aberasgarria izan zela azaldu zuten Laudioko Udaleko bi langile ohiek, Aiaraldea Komunikabideari eskainitako elkarrizketan. Bertan aurreratu zuten lanean jarraitzeko asmoa zutela, bidaian ezagutu zuten Galdakaoko Boluntarioen Gizarte Elkartea (GBGE) gobernuz kanpoko erakundearekin.
Bihar emango dute lehen urratsa: hitzaldia eskainiko dute Laudioko Udaletxeko erabilera anitzeko aretoan, 20:00etan, Apill elkarteak antolatuta. Eginiko bidaiaren nondik norakoak kontatuko dituzte bertan. Horrez gain, GBGE-ko kideek ere hartuko dute hitza solasaldian, eta laguntza humanitarioaren garrantzia jarriko dute mahai gainean.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
