Altzarrateko zubia ireki dute, hainbat hilabetetako obren ostean

Txabi Alvarado Bañares 2022ko apirilaren 13a
Deskargatu Info Ahotsak :

None
None
None
None
None
None

Iragan irailean ekin zioten zubi zaharra eraisteari, eta abenduan kokatu zuten metalezko estruktura berria. 

Gaur ireki dute Altzarrateko zubi berria. 18 metroko zabalera dauka, oinezkoentzako eta autoentzako pasabideak batuta. Hainbat hilabete iraun du obrak, eta pasabidea eta biribilgunearen zati bat itxita egon dira denbora tarte horretan. 

Irailean ekin zioten zubia eraisteari, eta abenduan kokatu zuten metalezko estruktura berria. URA arduratu da obra egiteaz. Uraren Euskal Agentziak nabarmendu duenez, azpiegitura berriaren diseinua bereziki prestatua dago uholdeei aurre egitera. “Helburua da emaririk handienak azpiegitura berritik igarotzean kargan sartzea saihestea, eta korronteak ekar ditzakeen bolumen handiko flotatzaileei joan-etorriak erraztea”. 

Hurrengo urratsa: San Joaneko erreka

Agentzia publikoak beste obra batzuk egingo ditu Laudion datozen hilabeteetan. Aste Santuaren ostean ekingo die San Joaneko erreka bideratzeko lanei. Bycam enpresari esleitu dio obra, eta 7 hilabeteko epea izango du egikaritzeko. 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide