Kultur ostirala izan zen atzo Faktorian. Udaberriko lehenbiziko musika emanaldia izan zen barikukoa, eta Mikel Urdangarin musikaria izan zuen protagonista. Artistak martxoan eskaini behar zuen kontzertua, baina osasun arazoengatik apirilera atzeratu behar izan zen ikuskizuna. Hala ere, zaleek ez zuten hutsik egin, eta jendez bete zuten Faktoriako plaza.
Ordubete inguruko saioa osatu zuen kitarrajole eta abeslariak. Tartean, kantu berriak zein zaharragoak abestu zizkien bertaratutakoei. Entzuleak kantulagun izan zituen zornotzarrak, zenbait unetan harekin batera aritu baitziren letrei gorputza eta ahotsa gehitzen.
Argazkiak: Txabi Alvarado Bañares
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide