Datorren astelehenerako jarri dute Laudioko Gaztetxea husteko agindua

Txabi Alvarado Bañares 2022ko eka. 8a, 14:34
Deskargatu Info Ahotsak :

Laudioko Gaztetxea, artxibo irudi batean. / Aiaraldea.eus

Gazte Asanbladako kideek aurreratu dute gaztetxea defendatzeko hitzorduak jarriko dituztela. 

Datorren astelehenerako (ekainak 13) jarri dute Laudioko Gaztetxea husteko agindua. "Gaur goizean jaso dugu jakinarazpena. Gaztetxea ekainaren 13ko lehen ordurako (igandean gaueko hamabietan) hustuta egon behar dela dio oharrak", azaldu diote Gazte Asanbladako kideek Aiaraldea Komunikabideari. Nabarmendu dutenez, Udala da huste agindua helarazi duena, "prozedura administratiboa denez, udalak ebatzi duelako".

Ondorioz, gazteen esanetan, ekainaren 13tik aurrera "edozein unetan" bertaratu daitezke espazioa hustu eta zerraila aldatzera. Gauzak hala, gaztetxea defendatzeko hitzordua jarriko dutela aurreratu dute. 

Maiatzean salatu zuten asanbladako kideek udalak Gaztetxea husteko prozedura administratiboarekin aurrera jarraitzeko asmoa zuela. 

Albistea eguneratzen joango gara informazio gehiago izan ahala. 

 

 

Jendartea Laudio
Erlazionatuak
Udalak Gaztetxearen kaleratzearekin aurrera jarraitu nahi duela salatu dute
Udalak Gaztetxearen kaleratzearekin aurrera jarraitu nahi duela salatu dute

Txabi Alvarado Bañares 2022 api 29 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide