ARGAZKIAK

Ekitaldi ugarirekin ospatu dute Orbeko Etxearen 21. urtemugaren lehen txanpa

Erredakzioa 2022ko ekainaren 13a
Deskargatu Info Ahotsak :

21. urtemuga ospatu du Orbeko Etxeak asteburuan. Ekintza ugari egin dituzte orain arte. Datorren asteburuan emango diote amaiera urteurren dinamikari.

'Gau ilunean gure sua argi' da Orbeko Etxearen 21. urtemugako lema. Hala zabaldu zuten ekainaren hasieran, eta makina bat jarduera antolatu dituzte ordutik. Iragan astean ekin zioten ospakizun zikloari, eta mendi zeharkaldia, poteoa, bazkaria zein kontzertuak egin zituzten larunbatean. Igandean, aldiz, haurren eguna izan zen, eta ur jolasak edota eskalada tailerra burutu zituzten, besteak beste, Gardeako etxe okupatuan.

Bigarren txanpa ekainaren 15etik 18ra gauzatuko dute. Asteazkenean -hilak  15- El futuro de la mistelera liburuaren aurkezpena antolatu dute , eta ostegunean Igor Arzuagaren De espantapajaros y escarcha olerki liburuaren solasaldia zein pikoteoa. Ostirala, ordea, Jedi galaktikoarekin (Star Wars sagaren zaleek eginiko filmeen topaketa) girotuko dute, DJ Kultura Subsueloren gidaritzapean.

Argazkiak: Orbeko Etxea eta Kirikiño

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide