Atxilotu bat Laudioko denda batean lapurtzea egotzita

Txabi Alvarado Bañares 2022ko uztailaren 16a

Ez&Bai dendan sartu dira lapurtzera. / Aiaraldea.eus

Estolda batekin hautsi dute dendako atea barrura sartzeko.

Pertsona bat atxilotu du Ertzaintzak gaur gauean Laudion, Ez&Bai saltokian lapurtzea egotzita. Poliziak Aiaraldea Komunikabideari azaldu dionez, 3:15ak aldera jaso dute abisua, dendako alarmaren partetik. Lapurrak dendako ateko kristala hautsi du estolda batekin.

Dendako kideek azaldu dute lapurrak ez duela dirurik eraman. “Baina arropa batzuk odolez busti ditu, atetik sarterakoan kristalekin moztu delako”, nabarmendu dute, “alarmak pasa digu abisua eta dendara iritsi garenerako Ertzaintza bazegoen bertan. Odol arrastoa jarraituta topatu dute lapurra, Aretarantz bidean”.

Aurrekariak

Azken urtean hainbat lapurreta egon dira Laudion eta eskualdean. Horietako asko, baina, ez dira dendetan izan, trastelekuetan baizik.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide