Esleitu gabe utzi du Laudioko Udalak Antzokiaren obraren lehiaketa

Latiorron kokatuko dute antzokia. / Laudioko Udala

Tokiko erakundeak jakinarazi du lanean ari dela lehiaketa berria martxan jartzeko. 

Atzeratu egingo da Laudioko Antzokiaren eraikuntza prozesua, obrak egiteko lehiaketa publikoa esleitu gabe geratu delako. Udalak jakinarazi du lanean ari dela lehiaketa berria martxan jartzeko. Ez dute informazio gehiagorik eman baina, itxura guztien arabera, eskaintza erakargarriagoa egin beharko dute (baldintza edo prezioen aldetik), enpresa gehiago aurkeztu daitezen. 

Obretara 5.180.863,11 euro bideratzea zen Udalaren asmoa. Udalak jarriko du diru kopuru horren gehiengoa. Arabako Foru Aldundiak 2 milioi euro jarriko ditu, Aiaraldea ekonomikoki suspertzeko inbertsio planaren bidez. Eusko Jaurlaritzak, bere aldetik, 500.000 euroko ekarpena egingo du. 

Ekainean egin zuten proiektua azaltzeko prentsaurrekoa hiru erakundeetako ordezkariek:

Handik egun gutxira abiatu zuten lehiaketa publikoa. Obrak urte amaieran hastea zen asmoa, 2024an amaitzeko. Azken ezustekoarekin, baina, epeak moldatu beharko dituzte. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide