Txikitasunetik eginiko lan erraldoiari aitortza Laudioko Jaietako pregoian

Ehunka lagun bildu dira gaur arratsaldean Laudioko Herriko plazan, jaietako pregoien irakurketan. 

Azkenak kuadrillako bi kide arduratu dira aurkezpen lanak egitea, Suziri Jai Batzordearen ordezkari gisa. Maite Cortazar Agüera jaietako zinegotziari eman diote hitza lehenbizi. Bera arduratu da pregoilariak aurkezteaz. 

Sebastian Martin Manzano 'Txanin' eta Jose Ignacio Goikoetxea 'Txetxu' dira aurtengo sanrokeetako pregoilariak, Terencio eta Tomasa erraldoiak eramaten urtez luzez eginiko lanaren aitortza gisa. Oso pregoi xumea plazaratu dute bi bizilagunek, egin duten lana herritar gisa egin dutela aitortuaz. Jaietaz gozatzeko deia luzatu dute, eraso matxisten aurkako aldarri irmoa plazaratzearekin batera. 

Aldarri du bere egin du baita Ander Añibarro alkateak, eta azken urteetan zendu diren bizilagunak izan ditu gogoan. 

Belaunaldi aldaketa

Bukatzeko, sorpresa bat prestatu diete bi pregoilariei. Tomasa eta Terencio erraldoiek dantza bat eskaini diete. Bi gaztek maneiatu dituzte panpinak. Belaunadi aldaketa, beraz, bermatuta dagoela dirudi.  

Ondoren, hainbat abesti ezagun jo dituzte Arloteek eta Laudioko Musika bandak, ekitaldiari amaiera emateko.

Argazkiak: Txabi Alvarado Bañares

Erlazionatuak

“Ez genuen omenaldirik espero, beti atera ditugu erraldoiak ondo pasatzeko”

Laudio

SEBASTIAN MARTIN MANZANO ‘TXANIN’ eta  JOSE IGNACIO GOIKOETXEA ‘TXETXU’ aurtengo pregoilariak izango dira San Roke Jai...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide