Protagonismo berezia izan zuten jai kuadrillen ekintzek atzo Laudion, sanrokeen hirugarren egunean. Goizeko hamaiketarako dozenaka gora lagun zeuden Aldai plazan, paella txapelketan parte hartzen. Orduek aurrera egin ahala geroz eta jende gehiago bertaratu zen, eta bazkalordurako ehundik gora herritar zeuden plazako estalkiaren azpian bazkaltzen.
Bingoarekin alaitu zuten bazkalostea. Ondoren, 'Cluedo poteoa' abiatu zuten herriko kaleetan barrena, eta geldialdia egin zuten Laudioko Mugimendu Feministak eginiko elkarretaratzean. Laudio Institutuko frontoira joan ziren ondoren, jai tematikoari hasiera emateko.
Txosnagunean amaitu zen herriko eragileek atzorako antolatutako ekintza sorta, bingo musikatuarekin.
Bigarren txanparen zain
Atzo amaitu zen Laudioko jaien lehen txanpa. Orain, bost eguneko atsedena hartu ahalko dute laudioarrek, datorren asteko asteazkenera arte. Orduan hasiko da sanrokeen bigarren zatia, eta igandera arte luzatuko da. Hemen ikusi daiteke egitaraua egunez egun.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide