Gaueko ordu txikietan atxiloketa egin du Laudioko Udaltzaingoak. Zehazki, 20 urteko gizonezkoa harrapatu du Iza okindegian indarra baliatuta sartu eta gero.
Egilea, edonola ere, Ertzaintzaren menpe geratu da, zeinak argiketak egin dituen. Poliziak leporatu dio herritarrari lapurreta egitea, indarra erabilita. Une hauetan komisaldegian dago arrastatua eta Ertzaintzak adierazi du arratsaldean epaitegira eramango dutela.
Auzokide baten deia
Iza okindegiko langileek azaldu diote Aiaraldea Komunikabideari lokalaren alboan bizi den lagun batek deitu duela polizia.
Berak azaldu die okinei ostikoka apurtu duela dendako atea eta aurretik beste bi dendetan lapurtzen saiatu dela. Halaber, auzokidearen ustez, atxilotua mozkor zegoen.
Ez da lehenengo aldia Iza okindegian lapurtzen dutela. Izan ere, martxoan gauza bera gertatu zen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
