BIDEOA

Superberriakeko zuzendaritzak uko egin dio Enplegua Erregulatzeko Espedientea erretiratzeari

Greba mugagabearen laugarren eguna dute gaurkoa Superberriakeko saltokietan. Langileen ordezkariak zuzendaritzarekin bildu dira goizean, baina azken honek ez du Enplegua Erregulatzeko Espedientea erretiratu, 70 langileak kaleratzeko asmoan berretsiz.

Ostiralean abiatutako greba mugagabearen laugarren eguna dute gaurkoa Superberriakeko saltokietan. Zuzendaritzak saltoki guztiak itxi eta 70 lagun baino gehiago kaleratu nahi ditu.

Bi aldeak Laudioko bulegoetan batzartu dira gaur, baina ez dute akordiorik erdietsi. Izan ere, Superberriakeko kudeatzaileek uko egin diote Enplegua Erregulatzeko Espedientea kentzeari. 

Dozenaka herritar bildu dira bilerak iraun bitartean bulegoen atarian langileek deitutako elkarretaratzean. Superberriakeko zuzendaritzako kideak herritarren eta langileen oihuen artean atera dira bertatik.

Horrenbestez, greban jarraituko dute Superberriakeko langileek, zuzendaritzak Enplegua Erregulatzeko Espedientea erretiratu arte. Bihar elkarretaratzea egingo dute Amurrioko saltokiaren aurrean.

Erlazionatuak

“Hau ez da mehatxu bat; greban egongo gara kaleratzeak kendu arte”

Aiaraldea

SUPERBERRIAKEKO LANGILEEK irailaren 16an greba mugagabea abiatu zuten, enpresak saltoki guztiak itxi eta 90 lagun inguru kalean uzteko asmoaren aur...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide