4.000 euroko isunak jaso dituzte guztira Laudioko Gaztetxearen kaleratzearen kontrako mobilizazioan parte hartu zuten sei gaztek

Aitor Aspuru Saez 2022ko urr. 24a, 21:13
Deskargatu Info Ahotsak :

Istiluak jazo ziren ekainaren 13an Zumalakarregi etorbidean. / Laudioko Gaztetxea

Ertzaintzak Herritarren Segurtasunerako Legea ('Mozal Legea' bezala ezagutzen dena) erabili du gazte bakoitzari 700 euro inguruko isunak jartzeko.

Laudioko Gazte Asanbladak publiko egin du gaur azken asteetan sei isun heldu direla ekainaren 13ko gertakarien harira. Egun horretan Gaztetxearen kaleratzearen kontrako mobilizazioa egin zuten eta istiluak egon ziren Ertzaintzak gazteak errepidetik indarrez bota zituenean. Berez, denbora luzez eten zuen trafikoa protestak Zumalakarregi etorbidean, polizia oldartu baino lehen.

Hori dela eta, poliziak sei gazteri leporatu die "desobedientzia, erresistentzia eta agenteen aurka indarra erabiltzea". Zehazki, ertzainek egotzi diete jaramonik ez egitea euren aginduei, eta bidetik kentzera joan zirenean, poliziei aurre egitea. Isuna jaso duten gazteen artean, bost Laudiokoak dira.

Zigorrak 700 euro ingurukoak dira eta, guztira, 4.000 euroko kopurua gainditzen dute. Ertzaintzak Herritarren Segurtasunerako Legea baliatu du horretarako ('Mozal Legea' gisa ezgutzen dena), hau da, administrazio prozedura. 

Gazte Asanbladaren asmoa

Isunen berri eman ez ezik, Laudioko Gazte Asanbladako kideek salatu dute Lamuza Parkeko obrak baliatu zituela Udalak Gaztetxea ixteko behin betiko. Horrez gain, tokiko erakundeari kritika gehiago egin dizkiote: "Ez du parkeko kolektiboak birkolokatzeko asmorik izan eta ez digu espazio berrien antolaketan esku hartzen utzi".

Hori dela eta, kanpaina abiatuko dute gazteek. Azaroaren 25ean, adibidez, kontzertua egingo dute Orbeko Etxean dirua biltzeko:

 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!