Datorren abenduaren 17an, larunbatean, emango ditu Altzarrate Kirol Elkarte Kulturalak aurtengo Altzarrate sariak. Zazpigarren aldia da sariok banatuko dituztela eta, ohi legez, lau kategoriatan emango dituzte, 'Altzarrate bereziaz' gainera.
Elkarteak aiaraldearrak animatu ditu sari banaketara gerturatzera. Lamuza Parkeko kasinoan izango da abenduaren 17an, 18:00etan.
Sarien irabazleak ere aurreratu ditu elkarteak: CD Laudio saria Adrian Alvarez futbolariarentzat izango da; Kultura saria Esti Urresola zinemagileak eramango du; Ibilbidea saria Edu Frutos atleta beteranoak jasoko du; eta Kirola saria Itxaso Escondrillas atletak.
Urtero bezala, Altzarrate berezia saria ere banatuko dute. Kasu honetan, La Milagrosa Ikastetxeari emango diote, 100. urteurrena ospatzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
