Kultur sorkuntza Aiaraldean

Forqué saria lortu zuen atzo Esti Urresolak Madrilen, 'Cuerdas' pelikulagatik

Aitor Aspuru Saez 2022ko abenduaren 18a
Deskargatu Info Ahotsak :

Esti Urresola atzoko sariarekin. / Premios Forqué

Filma labur onenaren saria eskuratu du laudioarrak Madrilen egindako galan. Ekimen berean As bestas, Cinco lobitos edota Argentina 1985 lanak ere aitortu zituzten.

José María Forqué zinema zuzendari eta gidoilariaren izena duten sariek Esti Urresolaren lana goraipatu zuten atzo Madrilen, IFEMAn, hain zuzen, egindako galan, 'Cuerdas' film laburrari esker. Laudioarrak bere kategorian irabazi zuen, baina beste sailetan As bestas, Cinco lobitos, Argentina 1985, Apagón eta Rapa hautatu zituzten.

Atzoko hitzordua oso garrantzitsua da ikus-entzunezkoen esparruan Espainiako estatuan eta horren isla da Urresolarekin batera agertzen diren izen-abizenak: Rodrigo Sorogoyen, Laia Costa, Ricardo Darín...

Horrez gain, komunikabide askoren iritziz, saria jasotzeak Goya Sarietan ere gailentzeko bidean jarri du Esti Urresola. Hala ere, gogoratu beharra dago Cannesen jadanik aitortza izan zuela pelikulak.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide