Hautaketa fasea gainditu eta Goya zinema sarien XXXVIII. edizioan egongo da Esti Urresolaren Cuerdas filma. Espainiako zinema akademiako kideek 34 film laburren artean hautatu dute zinemagile laudioarraren lana, datorren otsailaren 11n Malagan ogingo den sari banaketan egoteko.
Hain zuzen ere, fikziozko film labur onenaren kategorian lehiatuko da Urresolaren pelikula, Arquitectura emocional 1959, Chaval, La entrega eta Sorda lanekin batera.
Ibilbide oparoa
Goya sarietara iritsi aurretik, aipamen eta sari ugari eskuratu ditu honezkero Urresolaren Cuerdas filmak: Abycine zinema independenteko festibalean lehen saria lortu zuen eta Avilés Acción Film Festivalen film labur onenaren saria eman zioten ikusleek. Gainera, maiatzean, beste sari bat ekarri zuen zuzendari laudioarrak Canneseko jaialdi entzutetsutik.
Mikel Bustamante ere Goya sarietan
Mikel Bustamantek ere aukera handiak ditu Goya sari bat lortzeko, datorren otsailaren 11ko sari banaketan. Zinemagile eta aktore amurrioarrak Cinco Lobitos euskal produkzioan egindako lanagatik hautatu du Espainiako Zinema Akademiak, Errebelazio-aktore onenaren kategorian.
Leire Orueta Gomezen lana ere, aitortua
Zuzenki hautatu ez badute ere, Leire Orueta Gomezen lana ere egongo da presente Goya sarietan. Artista laudioarrak Modelo 77 filmaren arte departamentuan egin zuen lan, eta filma horren arte zuzendaritza ere hautatu dute sariketarako.