Zabaldu dute jada Laudioko Herri Kroseko izen-ematea

Izar Mendiguren Cosgaya 2022ko abenduaren 23a
Deskargatu Info Ahotsak :

Iazko probaren irteera unea. / Aiaraldea.eus

Otsailaren 19an izango da Laudioko bost milien proba. Hain zuzen, 8.047 metro egin beharko dituzte korrika lasterkariek. 

Laudio Atletismo Klubak sare sozialetan iragarri dutenez, abian dago Laudioko Herri Kroseko izen-ematea. Webgunea ere prestatu dute, eta bertan eskura daiteke dortsala. Ekimenaren data ere aurkeztu dute: otsailaren 19an izango da kirol proba, 11:00etan.

Dortsalen prezioa 7 eurokoa izango da, otsailaren 17 arte, eta 15 eurokoa azken bi egunetan

Hamabosgarren edizioa izango da aurtengoa, eta bi proba izango ditu: herri lasterketa 11:00etan aterako da herriko plazatik, eta umeen lasterketa 12:00etan. Alabaina, haurrek zirkuitu ezberdina izango dute, adinaren arabera. 

Aurreratu dutenez, zirkuituaren nondik norakoak beranduago iragarriko dituzte.  Hemen ikusi daiteke iazko argazki erreportajea.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide