Uxue Alonso eskubaloi jokalari laudioarra Alicanten dago orain Espainako Kopan parte hartzen, gazte kategorian. Izan ere, Euskadiko Selekzioak hautatu du hiru partida jokatzeko. Lehenengoa gaur izan da La Nucíako Camilo Cano pabilioian eta Euskal Autonomia Erkidegoko taldeak Kataluniakoa menperatu du 26-24. Norgehiagoka osoa hemen ikus daiteke:
Gaur goizean Alonsok ez du golik sartu, baina, egia esanda, bere taldeko tanto guztiak sei jokalariren artean banatu dituzte.
Bihar toki berean 12:00etan Nafarroako taldea izango dute aurrez aurre. Nafartarrek indartsu hasi dute txapelketa eta 38-24 irabazi diote Galiziako selekzioari. Ostegunean Altean 10:00etan jokatuko duten partidan galiziarrak izango dira laudioarraren aurkariak. Hitzordu guztiak zuzenean eskainiko dituzte hemen.
Uxue Alonsorentzat ez da lehen esperientzia Espainiako Kopan
Egun Barakaldoko Zuazo Klubleko kidea bada ere, Uxue Alonsok Laudio Eskubaloi Klubean hasi zuen bere ibilbidea eta tokiko taldean zegoenean, haur kategorian, Espainiako Kopan ere parte hartu zuen 2019an.