2023an lanean hildako lehen behargina, gertakari ez traumatikoaren ondorioz, laudioarra da

Erredakzioa 2023ko urt. 11a, 12:43
Deskargatu Info Ahotsak :

Kutxabankeko bulegoa Izarran. / Alea.eus

Astelehen goizean behargin bat hil zen Izarrako Kutxabankeko bulegoan, lanean bakarrik ari zela. 

Astelehen goizean, urtarrilaren 9an, hilik aurkitu zuten laudioarra Kutxabankek Izarran duen bulegoan. Lan heriotza ez traumatikoa izan zen. 2022an 69 lan heriotza egon ziren Euskal Herrian eta 23 izan ziren ez traumatikoak. 2023ari dagokionez, Euskal Herrian izan den lehen lan heriotza da. LAB sindikatuak jakinarazi duenaren arabera, behargina bakarrik zegoen lanean.

Sindikatuak Kutxabanken pribatizazioak langileen lan eta bizi baldintzetan eragin duela salatu du ohar bidez, arrisku faktoreak areagotu baitira. "Kutxabankek, gastuak gutxitzeko, historikoki Vitalek zuen gutxienez bi langile egoteko segurtasun neurria bertan behera utzi zuen, bulegoetan langile bakar bat egotea ahalbidetuz. Posible da neurri hori ezabatu ez balitz, gaur heriotza baten aurrean ez egotea”, adierazi du.

Bestalde, igandean lan heriotzak salatzeko eta Luiaondoko kontagailua inauguratzeko ekitaldia deitua du Aiaraldeko Greba Batzordeak, 12:30ean udal bulegoaren parean.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide