Getarian izango du bigarren partida profesionala Arkaitz Eskuzak

Izar Mendiguren Cosgaya 2023ko urtarrilaren 13a

Arkaitz Eskuza, Faktorian eginiko elkarrizketan. / Aiaraldea.eus

Larunbat iluntzean jokatuko du bere profesionaletako bigarren partida Arkaitz Eskuzak. ETB1ean eskainiko dute norgehiagoka.

Urtarrilaren 6an egin zuen profesional kategorian estreinaldia Arkaitz Eskuza pilotari laudioarrak. Herriaren Pilota Elkarteko kide ohiak garaipena lortu zuen gainera. Bigarren partida ostiral honetan izango du, hilaren 13an, Getarian. Hain zuzen, Dariorekin batera osatuko du bikotea, eta Victor-Erostarbe izango dute aurkari.

Promozio mailako binakako partidan ariko da, beraz, Eskuza bigarrenez. Aiaraldearrek zein interesdunek ETB1ean jarraitu ahalko dute pilota jaialdia, 22:15ean hasiko baitute emisioa.

18 urte ditu pilotari laudioarrak, eta ASPE enpresarekin sinatu berri du kontratua. Larunbateko partidan bikote izango duen Darioren aurka lehiatu zen bere debutean, eta garaipena eskuratu zuen Elezkanorekin batera (22-12) Dario-Arbizu bikotea irabazita.

Aiaraldea Komunikabideak zuzeneko emisio bidez elkarrizketatu zuen hilabete hasieran pilotari profesionala:

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide