Arabako PSE-EEk ohar bat kaleratu zuen iragan asteartean -urtarrilaren 17an-, besteak beste, Eusko Jaurlaritzaren Lurralde Plangintza, Etxebizitza eta Garraio Sailak Laudioko Goiko Plazan eraikiko dituen 80 etxebizitza babestuak txalotzeko.
Oharrean aipatzen zuenaren arabera, VISESA sozietate publikoa arduratuko da etxebizitzak eraikitzeaz eta lanak 2024an hasiko dira San Juan errekaren ondoko urbanizazio berrian. Orotara, 12,5 milioi euro baino gehiagoko aurrekontua erabiliko dute horretarako.
Laudion PSE-EEko zinegotzia den Loli Muriel Arocak Etxebizitza eta Garraio Sailaren lana nabarmendu zuen, bere hitzetan, “urrats bat gehiago egingo delako etxebizitza duina, egokia eta irisgarria izateko oinarrizko eskubidea aitortzeko eta bermatzeko”, eta horrekin “herritarren beharrei erantzuteko aukera ematen duen etxebizitza-politika eraginkorra” sustatuko delako.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
