Aratusteek bi aste luzeko iraupena izango dute Aiaraldea Ekintzen Faktorian, Kokorikoren eskutik. Bihar bertan -otsailak 4- emango diote hasiera programazioari, bi aste luzez Faktorian izango den mozorro truke azoka irekitzearekin batera. Inaugurazio berezirako, 17:00etan mozorroak sortzeko ikastaro bat ere antolatu dute. Parte-hartzaileei iazko mozorroak eramateko deia zabaldu diete.
Hurrengo larunbatean, otsailaren 11n, beste tailer bat egongo da, ordutegi berean (17:00-19:00): inauteri makillaje tailerra.
Otsailaren 18an, ostera, jaia izango da nagusi Faktorian. Disko light inauteri jaia prestatu dute 18:00etatik 22:00etarako tartean. Noski, mozorrotuta bertaratzeko deia zabaldu dute.
Hurrengo egunean, igandean, inauteri tostadak familiak kozinatzeko tailerra egongo da arratsaldez, 17:00etatik 19:00etara, hain zuzen.
Egitarauaren azken egunak hurrengo astelehena eta asteartea izango dira, astearte-inauteriak emango baitio amaiera ospakizun handiari. Otsailaren 20an, astelehenean, Ipuinen kutxa bihurria izeneko ipuin ikuskizuna egongo da 17:00etan. Asteartea, mozorro truke azokari agur esan eta dena batzeko eguna izango da.
Antolatzaileek gogorarazi dute jarduera guztiak doakoak direla baina parte hartzeko izena eman beharra dagoela 693 855 312 telefono zenbakira mezua bidalita edo deituta. Esteka honetan ere bete daiteke izen ematea.
