Ainize Gastaka izango da EH Bilduko alkategaia Laudion

Aitor Aspuru Saez 2023ko otsailaren 4a
Deskargatu Info Ahotsak :

Ainize Gastaka abokatua da./ EH Bildu

Gaur bertan amaitu da udal hauteskundeetako zerrendaburuak erabakitzeko prozesua Arabako 14 herritan eta Laudion koalizioko mahai politikoaren aukera babestu dute bildukideek.

Urtarrilean aurreratu zuten Ainize Gastaka proposatu zuela Laudioko EH Bilduko Mahai Politikoak 2023ko udal hauteskundeen alkategaia izateko eta gaur, prozesu osoa amaituta, koalizioko kide laudioarrek onetsi dute hautagaitza.

Laudioko zerrendaburuarekin batera, beste hamahiru herri arabarretan erabaki dute zein izango den euren alkategaia, Asparrenan, Arratzua-Ubarrundian, Añanan, Bastidan, Dulantzin, Eskuernagan, Gaubean, Iruraiz-Gaunan, Lagranen, Lantaronen, Legution, Moretan eta Ziekon, hain zuzen.

Laudion bertan jaioa 1985ean, Ainize Gastaka Zuzenbidean lizentziatuta dago eta abokatu espezializatua da arlo zibilean, administratiboan eta penalean. 2012tik, gainera, besteak beste, genero-indarkeriaren biktimei laguntzeko ofiziozko txandako abokatua eta atxilotuari laguntzeko ofiziozko txandako abokatua ere bai. Laudioko gazte asanbladan, Ikastolako euskara batzordean eta gazte eta ikasle mugimenduan parte hartu du.

 

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide