Asteburu honetan lehiatu dira Benidorm Fest 2023ko finalerdiak eta finala, eta bietan egon da Saydi Lubanzadio laudioarra. Zita hori baliatzen da Espainiako Estatutik Eurovision nazioarteko musika jaialdira nor joango den ebazteko.
Lubanzadiok Vicco abeslari bartzenolarrarekin dantzatu du eta azpimarragarria izan da egindako lana:
Berez, Vicco faboritoen artean egon zen hasieratik eta azkenean, hirugarren sailkatu da, Blanca Paloma irabazlearen eta Agoney taldearen atzean.
Emaitza hori lortzeko, epaimahaiaren 59 puntu (hirugarren bozkatuena), inkesta bidezko 40 puntu (balorazio onena lortu zuen) eta telebozketako (hau da, publikoko) 30 puntu eskuratu zituen (berriro hirugarren notarik onena).
Parte hartze honekin, Lubanzadio azken urteetako abeslari ospetsuen artean kokatu da berriro, jaialdian Ana Menak edota Monica Naranjok ere izan baitzuten tartea.
Dena den, gogoratu beharra dago honakoa ez dela esperientzia berria laudioarrarentzat, Lola Indigo taldeko kidea izateaz gain, Nahty Pelusorekin ere egin baitzuen bideoklipa duela hilabete gutxi.