Laudioko saltokietan gastatzeko 1.000 euroko bono bat zozkatuko du Apillek Laudio Berrikusi aplikazioaren bidez. Aurreratu dutenez, martxoaren 31ean egingo dute zozketa, Dolumin Barikuko azokan.
Zozketan parte hartzeko gauza bakarra egin behar da: Laudioko establezimendu batean 10 euro edo gehiagoko erosketa bat egitea, eta tiketa Laudio Berrikusi aplikaziora igotzea. Aplikazioan sartuta, 'Club LB' botoia sakatu beharko da. Bertan, 'Zozketen' atala topatuko du erabiltzaileak, eta horren barruan egongo dira zozketa honetan parte hartzeko argibideak.
Antolatzaileek zehaztu dutenez, 10 euro bakoitzeko parte hartze bat emango da. Hau da, norbaitek 100 euroko tiket bat eskaneatuko balu, adibidez, 10 parte hartze izango lituzke.
Martxoaren 29ra arte egongo da ekimenean parte hartzeko aukera. Apillek nabarmendu du Laudio Berrikusi aplikazioak 2.750 erabiltzaile dituela dagoeneko, eta hazten jarraitzen duela.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
