Porrotxek eta Marimototsek Laudio bisitatuko dute otsailaren 24an euren urtebetetzea ospatzeko

Jone Gartzia Gerra 2023ko otsailaren 10a
Deskargatu Info Ahotsak :

Aiaraldean hainbat aldiz egon dira Pirritx, Porrotx eta Marimotots eta iragan abenduan Amurrion ospatu zuten 35. urtebetetzea. / Aiaraldea.eus

Laudioko Udalak ‘Urteak bete, abenturak bizi!’ ikuskizuna antolatu du otsailaren 24rako Lamuza kiroldegian. Porrotx eta Marimotots pailazoen 35. urteurrena ospatzeko ordubete pasatxoko ikuskizuna da.

Panpoxa furgonetak lagunduta,  Porrotx eta Marimotots herriz herri dabiltza 35. urtemuga ospatzen. Urte hauetan guztietan bizitako abenturak lagunekin partekatu nahi dituzte, eta otsailaren 24an Laudio bisitatuko dute Urteak bete, abenturak bizi! ikuskizunarekin.

Saioak ordubete luze irauten du eta datorren otsailaren 24an, ostiralean, Laudioko Lamuza kiroldegian egongo da ikusteko aukera. Iragan abenduaren 9an Amurrioko Bañueta Kiroldegian egon ziren urtemuga ospatzen.

Honela dio pailazo hirukotearen gonbidapen gutunak:

“Sudurgorrion bizitzan lagun egin ditugun hainbat lagun etorriko dira bisitan ospakizunean parte hartzera. Kantua, dantza eta denon parte-hartzea ez da faltako, ezta tarta erraldoia ere… Urteak betetzea garrantzitsua bada, are gehiago abenturak bizitzea! Eta hori izango da gure ospakizuna: beste abentura bat bizitzea!”.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide